1
भकला - आज हमर घर चीला रोटी
खाय बर जरूर आबे भाई...
जकला - का के ख़ुशी में भाई...?
भकला - आज नावा तावा लाने हंव यार.।
2
जकला - बस 290 रूपया के जीन्स
अबे मोला देख
बारा सव के जीन्स पहने हंव
बारा सव के...
भकला - हमन तोर असन नो हन बे
जो आधा अधूरा पहिन के
गरीब ल देके
अमीरी के रोब जमाबो...
साले घमंडी नइतो
3
जकला - आज हमर घर में कउवां
बासत रहिस बे...
भकला - अबे कुकरा ह बासथे बे-
कुकरा ह,कउवां ह नइ बासय
जकला - हमर छानी म बासत रहिस बे...
जकला - अबे मेचका नइतो..
वो ह हमर करिया कुकरा ये बे
4
जकला - ये का जतिक के
गोटी- माटी ल राँधथव जी तुमन,
मोला अच्छा नइ लागे
भकला - खा के तो देख भाई...
कसम से मोहा जाबे !
जकला - हम नइ खाएंगे
अइसा वइसा साग !
हम अपना घर को रेंगता है
तुमन खाओ इस गोटी को...
भकला - वो ह पटरस फुटू ये बे !
जकला - चुरही त भेज देबे भाई
भकला - वाह बेटा.... अब खाय बर आं फार के बइठे हस !
5
जकला - जी एस टी लगे के बाद
सब के रेट ह तरी-ऊपर होगे भाई...
भकला - फेर दरूहा के बारे म
कोई नइ सोचिन !
6
भकला - कहाँ के कहाँ-
जी एस टी लग गे भाई
जकला - जी एस टी लगिस त का होगे जी
भकला - साले पांच रुपिया के
गुटका ह सात रुपिया म मिलत हे यार!
7
7
जकला - भाई में ह व्हाट्सप ग्रुप ल
बंद करत हंव...
बंद करत हंव...
भकला - ठीक हे लेकिन मोला रिमूव झन करबे..में खुद "लेफ्ट" हो जाहंव...
जकला - रिमूव काबर नई करंव ?
भकला - बेजत्ती असन लागथे भाई 😂
8
भकला - हमर मीठ कोयली ल
देखे हस का भाई....
देखे हस का भाई....
जकला - ओ तो आमा रुक म
चिचियात रहिस जी...
चिचियात रहिस जी...
भकला - में तोर भौजी के बात करत हंव बे!
9
कंपनी - आप जिस व्यक्ति से संपर्क करना चाहते हैं वे अभी व्यस्त हैं...
भकला - काबर व्यस्त हे..?
कंपनी - कृपया कुछ समय बाद प्रयास करें...
भकला - तोर थोथना !
10
भकला - जादा बक-बक झन कर
नइतो थोथना ल दुंहु न त दांत ह टूट जाही !
भकली - तहान में भात का मा खाहुँ?
11
जकला - मोर बर 10 लाख के चेक काट दे यार...
भकला -चेक कटवा के कइसे करबे भाई
जकला - मोला चेक के जरुरत हे यार
भकला - दू मिनट रुक "" कैंची "" लेके आत हंव...
Comments
Post a Comment