( 41)
तंग करथे टुरी ह
मिस कॉल मार के ,
अइसे लगथे जइसे
गलती करेंव दिल हार के
( 42 )
दू मिनट म दीवानी बन जाबे
एक बार देख ले आँखी म मोर ,
अरे खाना-पीना छोड़ देबे
हर घडी आहूँ तोला सोर
( 43 )
शायर बना के छोड़े मोला
अउ का-का बनाबे बतादे मोला,
बइहा-भुतहा बनगेंव मया म
अपन दुलहा बनाले मोला !
( 44 )
छत्तीसगढ़ के हर जिला म
अब्बड़ अकन तोर चर्चा हे ,
जतका तोर पॉवर नइये
ओतके तोर खर्चा हे
( 45 )
ना आइडिया ना एअरटेल
टुरी जियो के दीवानी होगे रे ,
फिरी म पाके डेटा
टुरी ह शयानी होगे रे
( 46 )
नाचे नइ जाने टुरी अउ
डीजे ल कान देके सुनत हे ,
महूँ नाचतेंव टूरा मन कस
नचईया ल देखके गुनत हे
( 47 )
नीला-नीला दिखय गोरी
डोंगरी अउ पहाड़ी ओ ,
इन्द्रधनुष छाये हे अइसे ,जइसे
गगन म बगरे हे तोर साड़ी ओ
( 48 )
जंगल म झिटका टोरे जावत हे
दिल ल मोर टोर के ,
अउ एती झिटका कस सुखागे हंव
अकेला म तोला अगोर के
( 49 )
नहर के पानी म
चेहरा ह तोर झलकय ओ ,
तोर निर्मलता के होके दीवाना
मया ह मोर, तोर बर छलकय ओ
( 50 )
नदिया के डोंगा मैं हँ
तै मोर पतवार ओ ,
मया बनके आये संगी
जिनगी ल करे उजियार ओ
( 51 )
पागा म कलगी खोचेंव
अउ खोचेंव दिल म तोर नाम ओ,
बुता-काम ल छोड़ ,तोला निहारत रइथंव
बस उही मोर काम ओ !
( 52 )
तरिया के पारे-पार आबे गोरी
सिद्धा म हावय मोर घर ओ,
अंगना म फुले हे गोंदा के फुल
दिखत हे अड़बड़ सुघ्घर ओ !
( 53 )
बस्तर म मया करबो
रायपुर म मनाबो हनीमून ,
लगाले सात फेरा मोर संग
आ बिहाव रचा ले झटकून !
( 54 )
पान के मीठ ल भुला जाथंव
सुन के तोर मीठ बोली ल ,
देख्थंव सपना म आवत
मोर अंगना म तोर डोली ल !
( 55 )
लिखे हंव तोर नांव
टिप डोंगरी के ओ पथरा म,
एखर ले पहिली बसाये हंव दिल म
झन समज्बे लबरा न !
( 56 )
गोंदा के फुल म
चेहरा ह तोर दिखय ओ,
तोर मुस्काई देख के गोरी
उहू ह हांसे बर सीखय ओ!
( 57 )
डर लगथे मोला
तोला मया के बात कहे म ,
तोर मुस्काई फ़िदा कर देथे
फेर अच्छा लगथे तोर साथ रहे म
( 58 )
कभू झन मोला
तै ह फॉरगेट करबे ,
मोर मया ल बेच के रानी
अउ कोनो ल झन सेट करबे !
( 59 )
आइटम सोंग नही रे पगली
मया के गाना गाबो न ,
मन-तन भर मया करबो
जलईय्या के आँखी म धुर्रा उड़ाबो न !
( 60 )
मोर सपना के रानी तैं हँ अटल कुंवारी
जल्दी से मोर जिनगी म आना ,
अइसे दुरिहा म रहिके
घेरी-बेरी झन सपना देखाना !
Comments
Post a Comment