( 1 )
सुन रे टुरी तोर दगा ह
हस- हस के दिल ल रोवाथे न ,
तैं बेवफा हस,दगाबाज हस
दिल ह रो-रो के बताथे न !
( 2 )
दुसर ल धरे पोटार के
मोर से तैं करे दगा ,
कइसे तोर मन मानगे गोरी
ओला जान डारे तै अपन सगा !
( 3 )
का जानंव कइसे भूल होगे
मया म तोर पड़गेंव
ओ दिन एक बार कहे लव यु
अउ मैं धोखा म पड़गेंव !
( 4 )
धर-धर-धर रोवासी लागे ओ
तोर विरहा म आंसू ह बोहागे
जोन दिन ल सोचे नई रहेंव
वो दिन ह कइसे आगे !
( 5 )
सुनले पुकार मोर
रोवत हंव धार-धार मैं
आ जा ना अब आ भी जा
करत हंव गोहार मैं !
( 6 )
कईसे रोवाहूँ तोला
रोये के पारी तो मोर हे
जेन दिन चाहेंव तोला
ओ दिन ह अब भी सोर हे !
( 7 )
दुसर संग करके बिहाव
काबर छोड़े मोला
कांची-कुढ़ी कस जान के
काबर तोड़े मोला !
( 8 )
ठग दारे मोला
एक दम बुद्धू जान के
मैं भी ठगा गेंव तोर हंसी म रानी
तोला अपन मान के
( 9 )
किस्मत म नई अस तैं
बस जिनगी म रोना हे
तोर सहीबेवफा ल पाके
फिर से नई खोना हे !
( 10 )
दस दिन के मयारू बना के
लबरा बना के छोड़ दिए
बताना मोर का गलती हे
जो आधा रद्दा म नाता ल तोड़ दिए !
( 11 )
आँखी ले आंसू टपके
लहू कस धार ओ
तोर दगा ह पगला कस
कर दिस बीमार ओ !
( 12 )
फार्म fill करे कस
दिल म fill करवाके मेटा दिए,
अच्छा खासा जिनगी ल
दगा देके नठा दिए !
( 13 )
दारु के नशा चढ़ाके
आज मैं दरुहा होगेंव ,
ठोस ल अपनाये तैं ह
अउ मे ह तोर बर घुरहा होगेंव !
( 14 )
सुने बर तोर बोली ल
तरसत हंव कई जुग ले
कब छुटकारा मिलही मोला
तोर विरहा के दुःख ले !
( 15 )
संगी रे अइसे झन तरसा
विलख-विलख के मरजाहूँ
मोर मया करे के ओ दिन
अउ मैं ह तोला सुरता आहूँ !
( 16 )
ये गडी तोर मया ह रोवाथे
तोर दगा के कारन बैरी
आँखी ले आंसु नही
मोर लहू ह बोहाथे !
( 17 )
चुपे-चाप बैठे रइथंव
कोनो ल ओझियावंव नही ,
जबले तैं बेवफा बने हस रे टुरी तबले
मुक्का होगे हंव कोनो ल गोठियावंव नही
( 18 )
सर पटक-पटक के मरजाहूँ
झन कर अलग मोला
तोर बिना ये दुनिया ह
लागे नरक मोला !
( 19 )
सही गलत ल जाने नही
अउ बोले तैं बेवफा हस
बिना गलती के मोर जोड़ी
तैं ह काबर दिए सजा !
( 20 )
अतेक झन रोआ
के रोवत-रोवत मरजावंव
सोच ले विरहा के राजा
मरे के बाद फेर कभू नई आवंव !
Bahut hi sundar sayri hai
ReplyDelete